SALEUM CINTA

Sagop meulintang awan meugandeng
Geulanteu panceng kilat beurutoh..
Langet meu geudum tamtum meu tandeng..
Deugon seu ireng ujeun pih jitoh..

Teukeujoet kameng peuneng mie kureng,
Asee keureuleng tan teumpat teudoh..
Manok pih karu a' ue lam jareng..
Itek meu guleng singet keurupoh..

Suwe meu gisa meu puta gaseng,,
Meu su seuruleng sideh di juoh..
Rindu ji teuka lara meu sareng..
Rasa han mngken cinta lon sugoh

Lon peugah jangeun saleum bak cicem..
Surat lon kirem saleh pajan troh
Kangen lam dada lon rasa kayem..
Meuyo ka neu tem jaweub abg beoh..

Bek seulamanya meurana baten..
Pajan ta jalen cinta ta laboh..
Atau pih kanda kana yg laen..
Peugah hai cut lem beu sunggoh2..