Di Agam Buya Di Peugoet Lagee.

Meubek Hai Cut Bang Ulon Neu maba,,
Seugolom Kanda Lon Neujak Lakee..
Meunyo Bit Keulon Beutoi Neucinta..
Bak Ayah Ngon Ma Neujak Peuteuntee...
Meunyo Koen Muhrem Tanyoe Meu Dosa..
Meunan Meuhaba Bicara Guree..
Meuka Lheuh Nikah Baro Jeut Neuba..
Adak U Banda Meulingkeu Saree..

Pakoen keuh Sabe Ulon Neu goda..
Bahkan Neu paksa Ulon Nyoe Neu Me..
Oh Ka Terjadi Pakri Ban Gura..
Meukawen Dua Hana Jeulamee...
Di Ureung Agam Meuteumeu Laba..
Di Kaom Hawa Yg Tanggong Malee..
Leupah That Saket Fet Dalam Dada..
Teukeudi Kanda Laen Neu pangkee..
Rame Yg Meunan Bak Jinoe Masa..
Agam Ngon Dara Meu Jak2 Dilee..
Oh Tee Ka Abeh Ka Puleh Hawa..
Di Agam Buya Di Peugoet Lagee..
Bungong Teulasom Kuntom Binasa...
Leubah Mahkota Seureuta Layee...
Han Mungken Lon Tem Lagee Nyan Cara..
Han Ek Lon Rasa Saket Lam Ulee..
Yoh Fon Lon Neujok ie Jok Ngon Nira..
leumbot Suara Mameh ie Teubee..
Oh Ka Teulanjo Hana Meuharga..
Kadaluarsa Hanle Peureulee...
Hana Lon Galak Meu Jak2 Dua..
Takot Hai Kanda Lon Keunong Tipee..
Syg Keu Tuboh Awoh Seungsara..
Peulom sampe jra jiteuka seudee..

MEUTURI JANDA

beluen meucuhu,takawe eungkot
wate ie surot,takoh bak bangka
na sidro janda,hate teu paot
lon keneuk jak cot,boh tuba rasa

gampong di putro,to bineh laot
yah toke eungkot,mantong rasia
pu keuh ekjadeh,keu ija limbot
hate teu paot,sijanda muda

lako jih mate,sideh di laot
bak mita eungkot,selat malaka
katinggai sidro,angen pelimbot
sibijeh eungkot,boh hate jiwa

bineh kuala takawe,eungkot
putoh peurambot,teumegom kadra
saba hai ado,si putik rambot
han lon peulikot,cinta ke dua

lheuh uroe raya,jaro lon sambot
bak kadi tapot,geutanyo dua
soal jeulame pawon meubalot
20 mayam smbot,tambah aso kama

DARA BOH LAM ON

mata beurandeh,di pidie jaya
si dara duson,muka cukop gleh
dlm on manggeh,golom meu cuca
ameh ban saka ,rasa boh manggeh

ji sawak ulee,batek meugareh
senyum tat meuceh,dara lam desa
jareung tareumpok,si putik manggeh
peumawa gaseh,idaman pria

ie krung bate liek,ilee cukop gleh
pucok krung payeh,di dlm rimba
pajan meurempok dara puteh gleh
hajat tat meuceh,meu rumoh tangga